Robert Blakala, markvörður Njarðvíkur, fékk að líta rauða spjaldið í 2-0 tapi gegn Vestra í Lengjudeildinni í dag en það var fyrir fremur undarlega tilburði.
Lestu um leikinn: Vestri 2 - 0 Njarðvík
Langur bolti kom inn fyrir vörn Njarðvíkur þegar Blakala hljóp út á móti.
Hann var kominn langt fyrir utan teig og misreiknaði skoppið á boltanum og í stað þess að reyna að skalla hann ákvað Blakala að grípa hann með báðum höndum.
Dómari leiksins var ekki lengi að lyfta rauða spjaldinu á loft en þetta var heldur undarlegt atvik í annars fjörugum leik.
Hægt er að sjá þetta atvik hér fyrir neðan.
Hann vildi bara ná síðasta hálftímanum í City-United, hvaða læti eru þetta. pic.twitter.com/VOnHp0MvXK
— Snorri Kristleifsson (@snorri_k) June 3, 2023
Athugasemdir
