Bjarni verður eins lengi og KR vilja hann
„Ég vildi fá faglega nálgun þó að það væri í raun lítið að keppa um fyrir okkur annað en það að við vildum sýna mikinn vilja í að fara í 42 stig,“ sagði Bjarni eftir 5-2 sigur sinna manna gegn Víkingum í dag.
Lestu um leikinn: KR 5 - 2 Víkingur R.
Gunnar Þór meiddist og var fluttur af velli en stuttu síðar yfirgaf hann svæðið í sjúkrabíl. „Hann var bara keyrður niður og rotaðist. Við vildum ekki taka einhverja sénsa þegar er hægt að fara með menn og láta skoða hvort sé allt í lagi með hausinn og ég held að það sé verið að gera það núna. Hann er ekki kominn til baka en hann steinlá bara.“
Bjarni segist ekki vera rétti maðurinn til að spyrja með sitt framhald í þjálfarastól KR. „Ég verð eins lengi og þeir vilja hafa mig. Ég geri fastlega ráð fyrir því að ég verði áfram og við erum byrjaðir að vinna í vetrinum og svona.“ Bjarni gaf lítið fyrir að Jacob Schoop og Þorsteinn Már voru utan hóps í dag og sagði það vera vegna meiðsla.
Varðandi sumarið sagði Bjarni það ljóst að liðið ætlaði sér titla. „Við náðum þeim markmiðum ekki en við komumst í bikarúrslitaleikinn og erum í þriðja sæti, í Evrópukeppni, sem var grunnmarkmið algjört. Við endum þetta nokkuð vel og á jákvæðum nótum sem er góður undirbúningur fyrir það sem koma skal á næsta tímabili.“
Athugasemdir
