Það er komið í ljós að meiðsli sem Ibrahima Konate varð fyrir í sigri Liverpool gegn Brighton í gær séu ekki alvarleg.
Hann meiddist þegar Virgil van Dijk steig á hann en hann staðfesti það sjálfur á Instagram síðu sinni að meiðslin séu ekki alvarleg.
„Takk fyrir öll stuðningsskilaboðin. Meiðslin eru ekki alvarleg sem betur fer. Ég fór í myndatöku í dag og hún staðfesti að ég er ekki brotinn. Ég verð klár í næsta leik," skrifaði Konate á Instagram síðu sína.
Liverpool fær Leverkusen í heimsókn á þriðjudaginn í Meistaradeildinni og Aston Villa mætir á Anfield um næstu helgi.
Athugasemdir
