Sara Björk Gunnarsdóttir er á leið aftur til Frakklands, til Lyon, eftir að hafa fætt sitt fyrsta barn hér á Íslandi. Hún hefur verið á Íslandi frá því snemma á síðasta ári á meðan á meðgöngunni stóð.
Sara snýr fljótlega aftur á æfingar með Lyon og ætlar sér að komast í það stand sem þarf til að spila á hæsta getustigi í fótboltaheiminum.
Sara snýr fljótlega aftur á æfingar með Lyon og ætlar sér að komast í það stand sem þarf til að spila á hæsta getustigi í fótboltaheiminum.
Landsliðsfyrirliðinn spilaði ekkert á síðasta ári og ætlar sér að vinna sér sæti í liði Lyon sem og íslenska landsliðinu fyrir EM sem fram fer í sumar.
Hún setti inn færslu á Instagram í morgun þar sem hún sagði frá ferlinu og kom inn á að leikmenn þurfi ekki að fórna ferlinum til þess að stofna fjölskyldu, hægt sé að stofna fjölskyldu og halda svo áfram með ferilinn.
„10 mánuðum síðar! Að vera ólétt, fæða fallegasta strákinn, ómetanlegur tími með vinum og fjölskyldu og erfiðis vinna á Íslandi. Nú er kominn tími til þess að snúa aftur til Lyon!❤️"
„Ég hlakka mikið til að hitta liðsfélaga mína 🦁 og ég get ekki beðið eftir því að hefja þá vinnu sem ég þarf að leggja á mig til þess að snúa aftur á knattspyrnuvöllinn."
„Að snúa aftur til Frakklands sem móðir með fjölskyldunni minni er mjög sérstakt fyrir mig og ég vonast til þess að veita öðrum konum innblástur að það þurfi ekki að fórna ferlinum til þess að stofna fjölskyldu. Konur eiga ekki að þurfa fórna ferlinum fyrir fjölskyldudrauminn. Þú getur gert bæði," skrifaði Sara Björk.
Athugasemdir
