Mesut Özil átti erfiðan dag á skrifstofunni í Tyrklandi í dag.
„Draumaskipti" Özil til Fenerbahce í Tyrklandi hafa ekki gengið að óskum hingað til. Samningi hans við Arsenal var rift í janúar og hann gekk í raðir Fenerbahce.
Talað var um að skiptin væri frábær lausn fyrir alla aðila. Özil var ekki í myndinni hjá Arsenal en var þeirra launahæsti leikmaður. Özil fór til liðsins sem hann studdi í æsku og Fenerbahce fékk leikmann sem félagið taldi að myndi hjálpa sér að sækja tyrkneska meistaratitilinn.
En Özil hefur ekki skorað eða skapað mark hingað til. Hann átti að skora í dag en skaut fram hjá er hann fékk boltann í kjörstöðu. Markvörður Antalyaspor var ekki í góðri stöðu en Özil tókst ekki að hitta markið. Leikurinn endaði með 1-1 jafntefli.
Þetta var ekki dagurinn hans Özil. Hann fór meiddur af velli á 67. mínútu en það þurfti að bera hann út af.
Frá því að hinn 32 ára gamli Özil kom til Fenerbache féll liðið úr tyrkneska bikarnum og er nú dottið niður í þriðja sæti tyrknesku deildarinnar. Özil og félagar eru tveimur stigum á eftir toppliði Galatasaray.
Get better soon @MesutOzil1088 😢💔 pic.twitter.com/aOhNTRGavi
— M1Ö FC (@WeAreOzil) March 4, 2021
Mesut Ozil highlights 2021 | Not finished?? pic.twitter.com/PCbayRqYxt
— Sam ™ (@afcswebb) March 4, 2021
Athugasemdir