Heimild: Þungavigtin 

Lestu um leikinn: KA 3 -  2 Valur

KA hefur náð að koma sér úr botnsæti deildarinnar með sigrum í síðustu leikjum og KA kom sér í úrslitaleik bikarsins annað árið í röð þegar liðið sló út Val í vikunni.

„Mér finnst asnalegt að vera tala um þynnku og svoleiðis. En við fórum mjög hátt upp í fyrra, fórum í bikarúrslit og spiluðum við Club Brugge sem er eitthvað sem enginn í þessum hópi hefur gert áður. Það var eitthvað andleysi eða kæruleysi í byrjun. Síðan kemur landsleikjahléið, menn fá tíma til að hugsa. Í bikarleiknum gegn Fram fannst mér við vera mættir aftur sem liðið sem við höfum verið undanfarin ár. Það er eins og það kvikni á öllum aftur. Guð minn góður hvað það er fínt að vera farinn að vinna leiki aftur."

Hallgrímur var spurður hvort það hefði einhvern tímann orðið þungt yfir mönnum.

„Nei, mér finnst eiginlega grillað hvað það var góð stemning í hópnum. Ég var farinn að hugsa á tímabili, með fullri virðingu með liðsfélögum mínum og öllu, hvort mönnum væri alveg sama. Stemningin var mjög góð í klefanum og á öllum æfingum, eins og við værum að berjast um Evrópu. Það er kannski af því að menn misstu aldrei trú á verkefninu og sem betur fer er þetta upp á við núna."

„Í síðustu umferð spiluðum við gegn HK. Á sama tíma var FH - Breiðablik og ÍA - Valur. Ég hugsaði fyrir þann leik að ef við vinnum okkar og hitt fer eins og það á að fara, þá væru sex stig í FH og við áttum þá í næstu umferð. Þetta er illa grillað, er ekki að segja að við náum Evrópusæti í deildinni, en maður veit aldrei, þetta er svo rugluð deild."

Haallgrímur Mar segir að það hafi verið full trú á nafna hans Hallgrími Jónassyni þjálfara.

„Ég hef allavega ekki fundið fyrir neinu öðru. Hann hefur tru á okkur og ég held það sé gagnkvæmt. ?ér hefur aldrei fundist vera nein vantrú á þjálfarann," sagði Hallgrímur Mar.