Heimild: Stöð 2 Sport
„Þessi leikur hafði allt nema mörk," sagði Egill Arnar Sigurþórsson, dómari í leik Fylkis og Leiknis, en hann fór í viðtal á Stöð 2 Sport eftir 0-0 leik í Árbænum í gær.
Í stórum útsendingum er möguleiki á að dómarar komi í viðtöl til að fara yfir stór atvik. Egill fór yfir tvö atvik með Stefáni Árna Pálssyni sjónvarpsmanni.
Annað þeirra var rauða spjaldið sem Daði Ólafsson, leikmaður Fylkis, fékk í lokin.
Í stórum útsendingum er möguleiki á að dómarar komi í viðtöl til að fara yfir stór atvik. Egill fór yfir tvö atvik með Stefáni Árna Pálssyni sjónvarpsmanni.
Annað þeirra var rauða spjaldið sem Daði Ólafsson, leikmaður Fylkis, fékk í lokin.
„Þarna eru samskipti milli okkar aðstoðardómara tvö sem er frekar nálægt þessu atviki. Á þessu augnabliki metum við þetta þannig að þetta sé alvarlega grófur leikur. Fylkismaðurinn kemur stjórnlaust inn í tæklingu," segir Egill.
Hitt atvikið sem hann skoðaði er þegar Fylkir vildi fá vítaspyrnu í leiknum. Orri Sveinn Stefánsson féll þá í teignum en Egill dæmdi ekkert. Egill segir að hann hefði verið mjög óánægður með sig ef hann hefði farið í vítaspyrnu þarna.
„Fylkismaðurinn kemur og hleypur aftan á hælinn á Leiknismanninum. Það er snerting og hann fer niður en þetta er ekki víti og alls ekki dýfa eða neitt slíkt. Þetta er bara eðlilegur hluti af leiknum. Ég stend fast á því að þetta er aldrei víti."
Athugasemdir