Jói bar fyrirliðabandið gegn Rúmeníu
Ísland mætir Norður-Makedóníu í undankeppni HM á morgun. Í dag sagt Arnar Þór Viðarsson, þjálfari íslenska liðsins, fyrir svörum á fréttamannafundi og var spurður út í stöðuna á leikmannahópnum.
Jóhann Berg Guðmundsson æfði ekki í dag og þá voru þeir Birkir Bjarnason og Mikael Neville Anderson á strigaskóm á æfingunni.
Jóhann Berg Guðmundsson æfði ekki í dag og þá voru þeir Birkir Bjarnason og Mikael Neville Anderson á strigaskóm á æfingunni.
„Ástandið á hópnum er alveg ágætt. Í dag voru þrír sem voru smá tæpir. Mikki fékk smá spark í kálfann frá Kára á æfingu í gær, ekkert alvarlegt þannig lagað bara að sjá til þess að það komi ekki blæðing inn á vöðvann," sagði Arnar.
„Svo eru Birkir og Jói að ná sér eftir leikinn gegn Rúmeníu. Það er það sama og hjá Mikka, varúðarástæðarnir í dag og svo tekin ákvörðun á morgun. Það lítur bara ágætlega út."
Kári Árnason var fulltrúi leikmanna á fundinum, Kári lék ekki með gegn Rúmeníu á fimmtudag. Hann var spurður út í stöðuna á sér.
„Hún hefur skánað mikið og er klár en það er undir þjálfuranum komið hvað þeir ákveða að gera. Ég ætti að geta klárað leikinn á morgun ef ég fæ að byrja," sagði Kári.
Athugasemdir
