Saul Niguez, leikmaður Chelsea, ætlar ekki að gefast upp og er staðráðinn í því að sanna sig í búningi enska félagsins.
Saul hefur ekki heillað neinn á Englandi hingað til en hann fékk að byrja leik gegn Watford í vikunni og spilaði þar á miðjunni.
Spánverjinn átti alls ekki góðan dag og var tekinn af velli í hálfleik rétt eins og í hans fyrsta leik í sumar.
Saul hefur byrjað tvo leiki fyrir Chelsea og hafa þeir báðir endað með því að honum sé skipt af velli í hálfleik sem er ekki frábær frumraun.
Samkvæmt Daily Mail þá er Saul ekki að hugsa um að snúa aftur til Atletico Madrid en hann var lánaður til Chelsea í sumar og getur félagið keypt hann á næsta ári.
Spænski landsliðsmaðurinn ætlar að sanna sig fyrir Thomas Tuchel, stjóra liðsins, og neitar að gefast upp fyrir mikilvæga leiki framundan í desember.
Chelsea gæti skoðað það að senda Saul til baka á nýju ári en hann mun gera allt mögulegt til að það verði ekki raunin.
Athugasemdir