Steve McManaman, fyrrum leikmaður Liverpool, var ekki hrifinn af frammistöðu liðsins í 1-0 tapinu gegn Chelsea í gær. Liverpool hefur núna tapað fimm leikjum í röð á Anfield.
„Þetta er óhugsandi. Þetta hefur aldrei gerst í sögu félagsins," sagði McManaman í viðtali á Síminn sport eftir leikinn í gær.
„Það eru mikil vandræði frammi í augnablikinu. Við höfum séð tölfræði í síðustu leikjum þar sem liðið á ekki skot á markið eða bara eitt skot á markið."
Gylfi Einarsson spurði McManaman hvað hann myndi gera á leikmannamarkaðinum í sumar ef hann væri Jurgen Klopp.
„Wijnaldum virðist vera á förum svo þeir verða að fá mann inn þar því að James Milner er orðinn það gamall að það er ekki hægt að treysta á hann í öllum leikjum. Ég myndi líka fá framherja eða kantmann. Ekki endilega til að taka við sæti í byrjunarliðinu heldur til að hafa plan B í leikjum."
Steve McManaman var EKKI kátur með sína menn eftir tapið gegn Chelsea í kvöld. Hann fór yfir leikinn með @tomthordarson og Gylfa Einarssyni á Síminn Sport. pic.twitter.com/hlR564fqH9
— Síminn (@siminn) March 4, 2021
Athugasemdir