Manuel Ugarte.
Manchester United hefur lokið sinni síðustu æfingu fyrir Evrópudeildarleikinn gegn Real Sociedad sem fram fer á morgun.
Varnarmaðurinn Harry Maguire og miðjumaðurinn Manuel Ugarte voru ekki með á æfingunni en þeir urðu fyrir minniháttar meiðslum í bikartapinu gehn Fulham.
Simon Stone, íþróttafréttamaður BBC, segir að allt útlit sé fyrir að þeir verði ekki með í leiknum á morgun.
Miðjumaðurinn ungi Toby Collyer tók hinsvegar þátt í æfingunni en hann hefur misst af fjórum síðustu leikjum vegna vöðvameiðsla.
Leikur Real Sociedad og Manchester United á morgun hefst klukkan 17:45 á Spáni. Keppnin er síðasti raunhæfi möguleiki Manchester United á því að vinna titil og spila í Meistaradeildinni á næsta tímabili.
Orri Steinn Óskarsson er meðal leikmanna Real Sociedad og verður vonandi í byrjunarliðinu á morgun.
Harry Maguire í baráttunni.
Athugasemdir
