Markahrókurinn Kolbeinn hefur gert 17 mörk í 29 landsleikjum.
Kolbeinn Sigþórsson var í mjög góðu skapi í viðtali fyrir leik Íslands gegn Kasakstan sem verður spilaður á morgun.
Kolbeinn fór fögrum orðum um landsliðið og allt í kringum það, enda sést það langar leiðir að ánægja leikmanna skín í gegn.
Kolbeinn fór fögrum orðum um landsliðið og allt í kringum það, enda sést það langar leiðir að ánægja leikmanna skín í gegn.
„Nú þurfum við að klára þetta. Vonandi náum við öllum niður á jörðina eftir þetta í Hollandi og ég finn að það er fáránleg tilhlökkun í öllum. Ég veit að menn verða einbeittir á morgun og klára þetta." sagði Kolbeinn.
Umfangið kringum íslenska landsliðið er glæsilegt þar sem menn geta farið í ísbað og eru nuddaðir allan daginn.
„Þið sjáið ekki allt sem er gert fyrir okkur í landsliðinu. Sjúkraþjálfararnir og læknarnir og allt í kringum liðið skiptir miklu máli. Þeir halda okkur saman og eru að nudda okkur allan daginn og eru alltaf klárir.
„Það er mikilvægt í þessu, það er ekki bara við heldur allt í kringum liðið sem er tipp topp og standardinn er orðinn góður í landsliðinu."
Kolbeinn var sendur í lyfjapróf eftir sigurinn á Hollendingum og gat því ekki tekið þátt í fögnuðinum inn í klefa eftir leikinn.
„Ég fékk að heyra það á bekknum að ég þyrfti að fara í lyfjapróf og byrjaði bara strax að drekka vatn 20 mínútum fyrir leikslok. Ég held það hafi tekið einn og hálfan tíma fyrir mig að ná að pissa eitthvað.
„Ég og Aron höfum ekkert fagnað eftir þennan leik þannig að vonandi náum við að fagna á morgun."
Athugasemdir
