Fótbolti.net

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

mið 05. október 2022 18:39

Brynjar Ingi Erluson

Hemmi Hreiðars: Karaktersigur og vilji í mönnum

Hermann Hreiðarsson

Mynd: Fótbolti.net - Hafliði Breiðfjörð

Hermann Hreiðarsson, þjálfari ÍBV, var ánægður með 2-1 sigur liðsins á FH í neðri hluta Bestu deildar karla í dag, en Eyjamenn hafa nú aðeins náð að spyrna sér frá neðstu liðum deildarinnar.

Lestu um leikinn: ÍBV 2 - 1 FH

Fyrir leikinn voru Eyjamenn með 20 stig, einu stigi frá fallsæti og var þetta því mikilvægur leikur.

Með sigrinum er ÍBV með 23 stig, fjórum stigum fyrir ofan FH þegar fjórir leikir eru eftir.

„Þetta var hörkuleikur og baráttuleikur eins og það var alltaf að fara vera. Þetta var risa karaktersigur hjá okkur, ekki spurning. Það var vilji í mönnum," sagði Hermann við Fótbolta.net.

Leiktíminn var óvenjulegur miðað við miðvikudag en Hermann segir það ekki hafa skipt neinu máli.

„Neinei, það er alveg það sama. Skiptir engu máli og spilum stundum um helgar á sama tíma. Það var ekkert vandamál en það er tvær og hálf vika síðan við spiluðum og sérstaklega í fyrri hálfleik fannst mér við ryðgaðir með boltann, en við áttum aukagír í seinni og það var risa karakter í þessum seinni hálfleik."

Þetta verður gríðarleg barátta í þessum leikjum sem eftir eru og ætla Eyjamann að vinna þá alla.

„Já, tiltölulega jafn leikur. Ágætis færi á báða bóga og barátta í þessu, en skemmtilegt að horfa á þetta þó það sé erfitt að spila silkifótbolta við svona aðstæður en hörkuleikur."

„Við erum með okkar eigið mót bara. Þetta eru fimm leikir og við ætlum okkur sigur í öllum leikjum. Það er engin spurning, þetta er skemmtilegt, einn búinn og undirbúningur hafinn fyrir næsta leik. Við erum á því að þetta er mót sem við ætlum að vinna."

Hermann var spurður út í það hvort ÍBV gæti verið töluvert ofar á töflunni en hann ætlaði ekkert að kafa of djúpt í það umræðuefni.

„Maður gæti alveg farið að tala um það en vissulega höfum skapað okkur færi í þónokkrum leikjum og eiginlega hent frá okkur sigrum í sumar. Oftar en einu sinni og tvisvar, vissulega höfum við spilað þannig leiki sem eiga að geta skilað aðeins fleiri stigum en við erum bara þarna og ætlum að njóta þess að vera í þessari baráttu. Einn sigur í hús og hlakka til næsta leiks," sagði hann í lokin.