Valur 0 - 0 Breiðablik
Lestu um leikinn
Það var allt undir þegar Valur fékk Breiðablik í heimsókn í hreinum úrslitaleik um Íslandsmeistaratitilinn. Valur þurfti að sigri að halda en jafntefli dugði Blikum.
Það var jafnræði með liðunum í fyrri hálfleik, bæði lið fengu tækifæri til að skora en það var markalaust þegar flautað var til hálfleiks.
Katrín Ásbjörnsdóttir var nálægt því að koma Blikum yfir en Anna Rakel Pétursdóttir bjargaði á línu eftir skalla frá Katrínu.
Katrín komst aftur í færi en skot hennar fór rétt framhjá. Hún meiddist um leið og þurfti að fara af velli.
Valskonur settu gríðarlega mikla pressu á vörn Breiðabliks undir lokin. Fanndís Friðriksdóttir fékk síðasta möguleika Valskvenna en skot hennar úr dauðafæri fór framhjá markinu. Vörn Breiðabliks stóð þetta af sér og Blikar eru Íslandsmeistarar árið 2024.
