Molumby er írskur miðjumaður sem þykir gríðarlega efnilegur en hefur ekki fengið mörg tækifæri hjá Brighton sem er að spila þokkalegan fótbolta undir stjórn Graham Potter.

Molumby gæti orðið lykilmaður í liði Preston sem er um miðja deild sem stendur, aðeins nokkrum stigum frá umspilsbaráttunni.

Molumby á 5 leiki að baki fyrir A-landslið Íra auk þess að hafa spilað 40 leiki fyrir yngri landsliðin.

Molumby var lánaður til Millwall á síðustu leiktíð og var snöggur að vinna sér inn byrjunarliðssæti og festa sig í sessi sem mikilvægur hlekkur í liðinu.

Molumby var afar eftirsóttur í vetur en valdi Preston þar sem hann þekkir nokkra samlanda sína hjá félaginu, meðal annars fyrirliðann Alan Browne.