Það var farið um víðan völl í spjallinu en Sæbjörn Steinke spurði Ágúst út í bróðir sinn, Kristian Nökkvi Hlynsson í lokin. Kristian lék sinn fyrsta leik fyrir Ajax á dögunum og gerði sér lítið fyrir og skoraði í 4-0 sigri á Barendrecht í bikarnum. Stoltur af litla bróðir?

„Já ekkert smá, þetta var alveg geðveikt móment. Hann var svo pollrólegur yfir þessu öllu saman. Ég fékk skilaboð daginn áður bara; "Ég er í hóp." Það var ekkert meira en það, bara 'Ha? með aðalliðinu?' og hann bara 'Já'."

Þér fannst þetta kannski stærra en honum sjálfum jafnvel?

„Já, ég held að ég hefði verið aðeins öðruvísi ef ég hefði verið nýbúinn að setja hann með Ajax."