Henry hefur í tvígang starfað sem aðstoðarþjálfari Belga, núna síðan 2021.

Martínez var á gríðarlega háum launum og ljóst að næsti þjálfari mun þéna mun minna. Það truflar þó ekki Henry samkvæmt belgískum fjölmiðlum.

Sóknarmaðurinn Romelu Lukaku sagði í viðtali að Henry væri rétti maðurinn í starfið.

„Í mínum huga á Henry að verða næsti landsliðsþjálfari Belgíu, það er enginn vafi. Ég segi það opinberlega: Hann verður næst þjálfari. Henry hefur virðingu allra leikmanna og er búinn að vinna allt," sagði Lukaku.

Belgíska liðið stóð engan veginn undir væntingum á HM en liðið er farið að eldast. Það verkefni bíður nýs þjálfara að endurnýja liðið.