Matthías í leik með FH í sumar.
„Þetta var kaflaskiptur leikur. Ég er svekktur að vinna ekki, en úr því sem komið var undir lokin þá er ég nokkuð sáttur. Ég er mjög sáttur með frammistöðuna," sagði Matthías Vilhjálmsson, leikmaður FH, eftir 2-2 jafntefli gegn Val í Bestu deildinni í kvöld.
FH-ingar leiddu í hálfleik en misstu frá sér forskotið í seinni hálfleiknum. Matthías bjargaði stiginu fyrir sína menn.
FH-ingar leiddu í hálfleik en misstu frá sér forskotið í seinni hálfleiknum. Matthías bjargaði stiginu fyrir sína menn.
Lestu um leikinn: FH 2 - 2 Valur
„Mér fannst við spila mun, mun betur en á móti Blikum. Aðstæður voru ekki sérstakar en ég held að við höfum skemmt áhorfendum," sagði Matthías.
Var þetta besti leikur Matta á tímabilinu til þessa? Heimir Guðjónsson, þjálfari Vals, hrósaði honum eftir leik.
„Ég var betri á móti Fram fannst mér. Heimir er gamall refur sem hjálpaði mér mikið á sínum tíma. Þetta var ágætis leikur gegn hörkuliði Vals. Hólmar (Örn Eyjólfsson) var erfiður í dag. Ég er nokkuð sáttur."
Um markið sitt sagði hann: „Ég hef gert þetta nokkuð oft á æfingum í vetur... Ég held að hann hafi farið í gegnum klofið í fjær. Þetta er gamalt trix, Ole Gunnar Solskjær bjó þetta til. Þetta þarf ekki alltaf að vera fast, þú þarft bara að koma markverðinum á óvart. Sem betur fer fór hann inn."
Allt viðtalið er í spilaranum hér að ofan.
Athugasemdir
