Dan Friedkin, viðskiptamaður frá Bandaríkjunum, fer fyrir fjárfestingahópi sem er að ganga frá kaupum á ítalska félaginu AS Roma en þetta kemur fram í RomaPress í dag.
Félagið er í eigu James Pallotta, sem er einnig meðeigandi bandaríska körfuboltafélagsins Boston Celtics, en hann hóf viðræður við Friedkin á síðasta ári.
Fjárfestingahópur Friedkin lagði fram 700 milljón evra tilboð í Roma en samkvæmt RomaPress hefur það tilboð verið lækkað niður í 500 til 600 milljónir evra vegna áhrifa kórónaveirunnar á viðskiptalíf um allan heim.
Pallotta hafnaði í fyrstu tilboðinu en gekk að samningaborðinu á endanum og var gengið frá samningum í gær en það má búast við að gengið verið formlega frá sölunni í lok ágúst.
Friedkin er í 590. sæti á lista Forbes yfir ríkustu menn heims.
Athugasemdir