Gunnar Guðmundsson stýrði sínum strákum í Þrótti til sigurs á heimavelli í fyrsta sinn í sumar þegar liðið fékk Vestra í heimsókn í Laugardalinn.

Lestu um leikinn: Þróttur R. 2 -  1 Vestri

"Gríðarlega sáttur. Vinnuframlagið var algjörlega til fyrirmyndar. Þeir börðust eins og ljón allan leikinn og við uppskárum mjög sterkan sigur. Mikilvægt að taka loksins fyrsta sigurinn hérna á heimavelli. Það var margt gott í dag."

Dion Acoff byrjaði leikinn virkilega vel og skoraði til að mynda fyrsta mark leiksins. Hann fór hins vegar útaf meiddur eftir rúman hálftíma eftir að svo virtist hafa tognað aftaní læri. Lárus Björnsson var einnig mjög sterkur í fyrri hálfleik þegar Þróttarar beittu skyndisóknum og nældi hann til að mynda í víitaspyrnuna sem uppskar annað markið. Hann fór útaf í hálfleik og um miðjan seinni hálfleikinn fór Guðmundur Axel einnig útaf meiddur.

"Það er bara spurning hversu alvarlegt þetta er. Það er vika í næsta leik og ég vona að einhverjir nái sér fyrir það. Við verðum bara að vona það besta.. við erum ekki með mjög breiðan hóp."

Gunnar hrósaði varnarmönnum sínum í hástert eftir leik fyrir vinnuframlag sitt. 

Viðtalið má sjá í heild sinni hér fyrir ofan

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit