Karim Benzema, sóknarmaður Real Madrid, þurfti að yfirgefa völlinn eftir um hálftíma leik í gær þegar Real Madrid vann 3-0 útisigur á Celtic í Meistaradeild Evrópu.
Benzema, sem er aðalmaðurinn hjá Real Madrid, er að glíma við vöðvameiðsli og talið er að þessi meiðsli muni halda honum frá vellinum í um þrjár vikur.
Benzema rölti af velli í gær en það sást á svipnum á Frakkanum að eitthvað var ekki í lagi.
Real Madrid hefur farið frábærlega af stað á þessari leiktíð með Benzema fremstan í flokki en liðið hefur unnið alla fjóra leiki sína í La Liga deildinni á Spáni.
Vinicius, Luka Modric og Eden Hazard skoruðu mörkin í síðari hálfleiknum í gær.
Athugasemdir
