Þannig er mál með vexti að Spartak hefur síðustu daga verið í viðræðum við Vitoria um Mangas.

Mangas, sem er 26 ára gamall, á að ferðast til Moskvu um helgina til að ganga frá skiptunum, en þau eru komin í uppnám eftir að kærasta leikmannsins birti myndband af honum á TikTok.

Þar sést leikmaðurinn farðaður og klæddur í föt kærustunnar, eitthvað sem hefur ekki fallið í kramið hjá Rússunum.

Stjórnmálamenn í Rússlandi vilja meina honum aðgang til landsins og þá hafa stuðningsmenn kallað eftir því að Spartak hætti við að fá hann til félagsins.

Þrátt fyrir alla þessa ólgu er talið líklegra en ekki að hann verði keyptur á næstu dögum sem verður mörgum Rússum ekki til mikillar hamingju.