Chris Smalling hefur verið algjör lykilmaður í liði Roma sem er í fjórða sæti í Serie A sem stendur.
Smalling er hjá Roma að láni frá Manchester United út tímabilið og hefur ítalska félagið áhuga á að festa kaup á honum. Rauðu djöflarnir vilja þó 17 milljónir punda fyrir miðvörðinn, eða 20 milljónir evra.
Gott gengi Smalling hefur einnig orðið til þess að hann gæti verið kallaður aftur upp í enska landsliðið. Hann hefur ekki spilað fyrir England síðan í júní 2017 en á 31 leik að baki fyrir liðið.
Gareth Southgate og aðstoðarmaður hans Steve Holland voru á vellinum er Roma náði markalausu jafntefli á útivelli gegn stjörnum prýddu liði Inter.
Athugasemdir