Alexander Ívan Bjarnason og Kristján Már Guðmundsson skrifuðu undir samninga við Magna um helgina.

Alexander er 22 ára gamall miðjumaður sem uppalinn er í Þór. Hann spilaði í fyrra 19 leiki fyrir Magna í Lengjudeildinni og skoraði í þeim eitt mark.

Kristján er 20 ára gamall sóknarmaður sem er einnig uppalinn í Þór en skipti yfir í KA í 3. flokki. Hann er að koma til baka eftir erfið meiðsli og ætlar að taka slaginn með Magna í sumar.

Magni féll úr Lengjudeildinni síðasta sumar á markatölu og mun því leika í 2. deild næsta sumar.