Íslenski varnarmaðurinn Axel Óskar Andrésson samdi í dag við lettneska meistaraliðið Riga FC en hann greinir frá þessu á Instagram.
Axel er 23 ára gamall og uppalinn í Aftureldingu en samdi við enska B-deildarliðið Reading árið 2016.
Reading lánaði hann til Bath City, Torquay United og Viking í Noregi áður en norska félagið keypti hann í desember árið 2018.
Hann gerði þá þriggja ára samning við félagið en Axel spilaði sautján deildarleiki fyrir Viking á síðasta ári.
Riga FC komst að samkomulagi við Viking um kaupverð á honum á dögunum og hefur hann nú skrifað undir samning við félagið.
Riga hefur unnið lettnesku deildina síðustu þrjú árin.
Athugasemdir