Magnús Már Einarsson, þjálfari Afturelding var mjög ánægður með sína menn eftir að þeir náðu marki í lokamínútu sem gaf þeim jafntefli á móti Kórdrengjum.
Lestu um leikinn: Afturelding 1 - 1 Kórdrengir
„Þokkaleg framistaða hjá okkur, menn héldu alltaf áfram, gáfust aldrei upp,'' segir Magnús Már eftir jafntefli gegn Kórdrengjum.
„Það reyndi á þolinmæði okkar þegar við reyndum að brjóta þá niður eftir að við lentum undir, vorum að reyna það og gekk hægt á köflum, en við náðum að halda áfram, við gáfumst aldrei upp.''
„Orri sem kom inná sem varamaður gerði þetta mjög vel, hann var klókur og við náðum þessu fína jöfnunarmarki.''
Þórir Rafn, leikmaður Kórdrengja, fékk rautt spjald rétt fyrir jöfnunarmarkið.
„(Rauða spjaldið) kemur alveg í lokin, auðvitað erum við einum fleiri þarna inn í boxinu. Kannski losnaði aðeins um Orra. En ég held að það hafi ekki skipt of miklu máli þessar síðustu 5 mínúturnar sem við vorum fleiri,'' segir Maggi.
Afturelding keypti vel reyndan mann frá Spáni í vikunni.
„Pedro Vazquez er að koma til okkar og verður með í næsta leik, hann er búinn að spila yfir 300 leiki á Spáni í næstefstu og þriðju efstu deild þar. Hann kemur með mikil gæði og reynslu inn í okkar hóp.''
Afturelding eru spáðir í 9. sæti í Lengjudeildinni.
„Við ætlum að gera meira og ætlum að gera betra. Við lentum í 8. sæti í fyrra og við viljum endar ofar en það. Markmiðið okkar er að gera betur en í fyrra.'' segir Maggi.
Athugasemdir