Það eru einungis sjö aðrir leikmenn í Evrópu sem hafa afrekað að leika 150 eða fleiri landsleiki. Cristiano Ronaldo (Portúgal) er leikjahæstur með 188 og fer leikjunum fjölgandi þar.

Næstir á eftir eru þeir Sergio Ramos (Spánn, 180), Gianluigi Buffon (Ítalía, 176), Vitalijs Astafjevs (167, Lettland), Iker Casillas (Spánn, 167), Martin Reim (Eistland, 157) og svo þeir Lothar Matthaus (Þýskaland) og Modric jafnir með 150 leiki.

Modric er 36 ára gamall og vann á dögunum Meistaradeildina í fimmta sinn á sínum ferli. Hann er miðjumaður og var valinn besti leikmaður heims árið 2018.

Í morgun tilkynnti Real Madrid að hann hefði framlengt samning sinn við félagið til 2023.