08.07.21 - 21:36
Sæbjörn Þór Þórbergsson Steinke
„Kæmi ekkert á óvart ef hann væri ekkert lengur hérna eftir árið 2022"
Vuk gegn uppeldisfélaginu í vor.
Mynd: Fótbolti.net - Haukur Gunnarsson
Frábær innkoma í kvöld
Mynd: Fótbolti.net - J.L.
Vuk gegn uppeldisfélaginu í vor.
Mynd: Fótbolti.net - Haukur Gunnarsson
Vuk Oskar Dimitrijevic átti góða innkomu sem varamður í sigri FH gegn Sligo Rovers í kvöld. Vuk lagði upp sigurmarkið fyrir Steven Lennon þegar hann átti fyrirgjöf í kjölfar hornspyrnu sem hann sjálfur tók.
Vuk hefur ekki fengið margar mínútur í liði FH á tímabiinu en margir hafa kallað eftir því að hann fái sénsinn í liðinu. Vuk er tvítugur vinstri kantmaður sem gekk í raðir FH fyrir rúmu ári frá Leikni en spilaði út síðasta tímabil með uppeldisfélaginu.
Davíð Þór Viðarsson, aðstoðarþjálfari FH, var spurður út í Vuk í viðtali eftir leikinn í kvöld.
Lestu um leikinn: FH 1 - 0 Sligo Rovers
Vuk hefur ekki fengið margar mínútur í liði FH á tímabiinu en margir hafa kallað eftir því að hann fái sénsinn í liðinu. Vuk er tvítugur vinstri kantmaður sem gekk í raðir FH fyrir rúmu ári frá Leikni en spilaði út síðasta tímabil með uppeldisfélaginu.
Davíð Þór Viðarsson, aðstoðarþjálfari FH, var spurður út í Vuk í viðtali eftir leikinn í kvöld.
Lestu um leikinn: FH 1 - 0 Sligo Rovers
„Við setjum Vuk inn á í korter, tuttugu mínútur og frábært að sjá áhrifin sem hann hefur. Hann kemur og leggur upp mark. Það er frábært að sjá að hann, í samstarfi við hina varamennina, þeir gerðu sig gildandi og þeir bjuggu til færi fyrir Vuk í lokin. Það er alveg á hreinu að við munum þurfa að nota hópinn meira en við höfum gert og þeir sýna að þeir eru tilbúnir í slaginn," sagði Davíð.
Er Vuk að nálgast byrjunarliðið?
„Já, ég er allavega að sjá það, og við vissum það alveg, að Vuk er nógu góður til að spila í þessu FH liði. Það er þannig að þú velur byrjunarliðið og kannski telur það vera það lið sem hentar best hverju sinni. Auðvitað höfum við spilað mikið á sama liðinu og það má alveg setja spurningamerki við það. Við höfum mikla trú á þeim leikmönnum sem við höfum valið í byrjunarliðið. Vuk er ungur og fáránlega efnilegur. Ég er handviss um það að hann muni spila einhverja leiki í byrjunarliðinu í ár, ennþá fleiri á næsta ári og það kæmi ekkert á óvart ef hann væri ekkert lengur hérna eftir árið 2022," sagði Davíð.
Björn Daníel Sverrison, samherji Vuk, var einnig spurður út í hans innkomu.
„Mér finnst Vuk frábær fótboltamaður, mjög efnilegur og gaman að sjá hann koma inn á og hann var með aðra góða fyrirgjöf í lokin sem hefði getað endað á Matta. Bara frábær innkoma hjá honum og hann er að sýna að hann vilji spila fleiri mínútur sem er bara jákvætt fyrir okkur," sagði Björn Daníel. Viðtölin í heild má sjá hér að neðan.
Sjá einnig:
Davíð Þór: Klárlega lið sem við eigum að fara áfram á móti
Björn Daníel: Undir mér komið að geta eitthvað núna
Er Vuk að nálgast byrjunarliðið?
„Já, ég er allavega að sjá það, og við vissum það alveg, að Vuk er nógu góður til að spila í þessu FH liði. Það er þannig að þú velur byrjunarliðið og kannski telur það vera það lið sem hentar best hverju sinni. Auðvitað höfum við spilað mikið á sama liðinu og það má alveg setja spurningamerki við það. Við höfum mikla trú á þeim leikmönnum sem við höfum valið í byrjunarliðið. Vuk er ungur og fáránlega efnilegur. Ég er handviss um það að hann muni spila einhverja leiki í byrjunarliðinu í ár, ennþá fleiri á næsta ári og það kæmi ekkert á óvart ef hann væri ekkert lengur hérna eftir árið 2022," sagði Davíð.
Björn Daníel Sverrison, samherji Vuk, var einnig spurður út í hans innkomu.
„Mér finnst Vuk frábær fótboltamaður, mjög efnilegur og gaman að sjá hann koma inn á og hann var með aðra góða fyrirgjöf í lokin sem hefði getað endað á Matta. Bara frábær innkoma hjá honum og hann er að sýna að hann vilji spila fleiri mínútur sem er bara jákvætt fyrir okkur," sagði Björn Daníel. Viðtölin í heild má sjá hér að neðan.
Sjá einnig:
Davíð Þór: Klárlega lið sem við eigum að fara áfram á móti
Björn Daníel: Undir mér komið að geta eitthvað núna
Frábær innkoma í kvöld
Mynd: Fótbolti.net - J.L.
