Gunnhildur Yrsa er mætt í Val
Íslenska landsliðskonan Gunnhildur Yrsa Jónsdóttir hefur gert lánssamning við Val út leiktíðina en þetta kemur fram í tilkynningu frá félaginu.
Gunnhildur er 31 árs gömul og er uppalin í Stjörnunni en hún hefur spilað erlendis frá árinu 2013.
Hún hefur leikið fyrir félög á borð við Arna-Björnar, Grand Bodö, Stabæk og Vålerenga í Noregi.
Gunnhildur er samningsbundin bandaríska úrvalsdeildarliðinu Utah Royals en hún var síðast á láni hjá Adelaide United í Ástralíu.
Hún er nú komin heim til Íslands og mun spila með Val út þessa leiktíð en þetta er gríðarlega mikill fengur fyrir Íslandsmeistarana sem eru í harðri baráttu við Breiðablik í titilbaráttunni.
Gunnhildur á að baki 71 landsleik og 10 mörk fyrir A-landslið kvenna
Athugasemdir
