Fótbolti.net

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

mið 08. október 2025 21:31

Snæbjört Pálsdóttir

Nik: Náðum ekki almennilegum takti en framtíðin er björt

Nik Chamberlain þjálfari Breiðabliks

Mynd: Fótbolti.net - Hafliði Breiðfjörð

Breiðablik vann sannfærandi 4-0 sigur á Spartak Subotica í Evrópubikarnumi í kvöld. Þjálfari liðsins, Nik Chamberlain, var ánægður með sigurinn en viðurkenndi að frammistaðan hefði ekki verið alveg samkvæmt venjulegum standardi liðsins.

„Ég held að fyrstu 15–20 mínúturnar og síðustu 20 mínúturnar hafi verið góðar. Það var mjög mikilvægt að ná í þriðja og fjórða markið. Restin var ekki alveg samkvæmt okkar venjulega standard af einhverjum ástæðum. Við náðum bara ekki almennilega takti í dag. En sem betur fer náðum við þessum mörkum og ættum að vera í þægilegri stöðu þegar við förum til Serbíu í næstu viku.“

Lestu um leikinn: Breiðablik 4 - 0 Spartak Subotica

Aðstæður voru mjög erfiðar í Kópavoginum í kvöld, þurfti Nik eitthvað að aðlaga leikplanið vegna veðursins?

„Maður þarf að aðlagast aðeins. Í fyrri hálfleik fengum við tvö mörk bara með því að vinna okkur út á vængina. Augljóslega kom fjórða markið líka þaðan. Við gerðum það bara ekki nægilega oft af einhverjum ástæðum. Ég hélt ekki, eins og við sáum, að vindurinn hefði í raun svo mikil áhrif. Við reyndum bara að finna fætur. Við erum ekki lið sem er stöðugt með langa bolta fram. Það er þess vegna dálítið svekkjandi miðað við heildarframmistöðuna, en ég er ánægður með að við náðum þriðja og fjórða markinu. Stelpurnar sem komu inn á Sunna, Edith, Ása og Líf, gáfu okkur bara þá orku sem við þurftum. Ég er virkilega ánægður fyrir hönd Sunnu að hún hafi skorað sitt fyrsta mark fyrir Breiðablik.“

Hvernig reynsla heldur þú að það sé fyrir þessa ungu leikmenn að koma inn í svona leik?

„Vonandi er hún frábær. Þær geta bara komið inn og verið þær sjálfar. Þess vegna hafði ég engar áhyggjur. Við þurftum að breyta leiknum aðeins, en við höfum gert það nokkuð oft í sumar. Ég er bara glaður að þær komu inn og spiluðu eins og þær gerðu og sýndu gæðin og hversu bjarta framtíð þær allar hafa.“

Hvað þarf að bæta fyrir næsta leik í Serbíu?

„Þessi atriði verða aðeins betri. Augljóslega held ég að hitastigið verði aðeins betra. Ég hef engar áhyggjur af því, bara að við verðum að vera aðeins nákvæmari. Ég hef engar áhyggjur. Við höfum átt einstaka leiki áður þar sem við höfum ekki náð okkar striki, það er allt í lagi. Við verðum í lagi í næstu viku. Ég hef engar áhyggjur.“