Samkvæmt heimildum Fótbolta.net er talsverður áhugi á Birki í Frakklandi en hann vakti athygli fyrir frábæra frammistöðu á miðju íslenska landsliðsins í leiknum gegn Frökkum í október.

Hinn 31 árs gamli Birkir lék lengi á Ítalíu með Pescara og Sampdoria og þar í landi er einnig áhugi.

Þá hafa félög í Tyrklandi og stór félög á Norðurlöndunum einnig sýnt Birki áhuga.

Möguleiki var á að Birkir færi með íslenska landsliðinu til Bandaríkjanna í næstu viku en svo verður þó ekki þar sem líklegt er að hann gangi frá samningum við nýtt félag á næstu dögum.