Sóknarmaðurinn Aron Jóhannsson er að ganga í raðir Lech Poznan samkvæmt fjölmiðlum í Póllandi.

Fram kemur á vefsíðunni SportoweFakty sé á leið til Poznan. Aron sé fljótlega á leið í læknisskoðun og muni svo skrifa undir tveggja og hálfs árs samning.

Hinn þrítugi Aron átti gott tímabil með Hammarby á síðasta ári eftir mikla þrautagöngu vegna meiðsla. Hann skoraði tólf mörk í 22 leikjum í sænsku úrvalsdeildinni.

Hann yfirgaf Hammarby eftir tímabilið og hefur síðustu vikur verið að leita að nýju félagi. Hann æfði meðal annars með Val á Íslandi.

Aron er fæddur í Bandaríkjunum en uppalinn á Íslandi. Hann valdi að spila fyrir landslið Bandaríkjanna og á hann að baki 19 A-landsleiki fyrir fæðingarþjóð sína.

Lech Poznan er þessa stundina í tíunda sæti pólsku úrvalsdeildarinnar eftir að hafa lent í fjórða sæti deildarinnar í fyrra.

Z moich informacji wynika, że Lech Poznań sięga po bardzo, bardzo ciekawego napastnika: https://t.co/Q2jCix3qRq

— Piotr Koźmiński (@UEFAComPiotrK) February 9, 2021

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit