Donny van de Beek var í byrjunarliði Manchester United þegar Rauðu djöflarnir lögðu West Ham að velli í framlengdum leik í enska bikarnum í kvöld.
Van de Beek hefur ekki fengið mörk tækifærin á tímabilinu en hann fékk að spreyta sig í kvöld og spilaði 73 mínútur.
Hann lenti í því í leiknum að vera keyrður niður þegar hann ætlaði sér að taka innkast. Honum tókst reyndar að taka innkastið en var keyrður niður af Mark Noble, fyrirliða West Ham, í þann mund er hann kastaði boltanum inn.
Noble fékk ekki spjald fyrir þetta en myndband af atvikinu má sjá hérna.
Noble var aftur í eldlínunni nokkrum mínútum síðar þegar Mason Greenwood fór illa með hann. Það má sjá hérna.
Athugasemdir
