Þór lánaði Aron Inga til Venezia í júlí á síðasta ári. Aron hafði þá komið við sögu í átta leikjum með Þór það sumarið og skorað eitt mark.

Miðjumaðurinn knái heillaði njósnara Venezia sem varð til þess að félagið hafði samband við Þór og óskaði eftir því að fá hann á láni í eitt ár.

Samningurinn var sagður svipaður þeim sem félögin gerðu um Jakob Franz Pálsson þar áður, en Venezia keypti Jakob Franz eftir að hafa fengið hann á láni. Aron Ingi verður ekki keyptur, hann snýr til baka heim á Akureyri.

Aron Ingi á að baki leiki með U19 landsliði Íslands en hann er barnabarn Eggerts Magnússonar, fyrrum formanns KSÍ og eiganda Wset Ham. Aron og Eggert Aron Guðmundsson, leikmaður Stjörnunnar, eru systkinabörn.

Þór var spáð sjöunda sæti í ótímabæru spánni fyrir Lengjudeildina á dögunum.