Stórleik var að ljúka í Danmörku þar sem tvö Íslendingalið áttust við í toppslag. Bröndby spilaði gegn Midtjylland í 29. umferð deildarinnar.
Hjörtur Hermannsson var á sínum stað í hjarta varnarinnar hjá Bröndby sem vann að lokum góðan 3-1 sigur á meisturunum.
Midtjylland komst yfir með marki Alexander Scholz en missti svo mann af velli á 40. mínútu stuttu eftir að Brondby hafði jafnað. Brassinn Paulinho fékk þá beint rautt spjald.
Mikael Neville Anderson kom inná sem varamaður hjá Midtjylland en spilaði aðeins korter í tapinu.
Midtjylland er enn í toppsætinu með 56 stig en Bröndby er sæti neðar með 55 stig og því baráttan afar hörð á toppnum.
Athugasemdir
