Það hafa verið gerðir þættir um bæði lið Manchester City og Tottenham þar sem skyggnst er á bak við tjöldin hjá fótboltaliðum.

Það er komið lið fyrir næstu leiktíð í þessa þætti. Amazon hefur náð samkomulagi við Arsenal um að fá að taka upp lífið hjá félaginu á næstu leiktíð.

Myndavélar frá Amazon munu fylgja leikmönnum og starfsmönnum Arsenal eftir á næstu leiktíð.

Það er ljóst að það verður áhugavert sjónvarpsefni. Arsenal átti mjög slakt tímabil á síðustu leiktíð og verður liðið meðal annars ekki í Evrópukeppni á næstu leiktíð.

Rúnar Alex Rúnarsson er á mála hjá Arsenal en líklegt er að hann sé á förum til Tyrklands.