Franska félagið Lille hefur samþykkt tilboð frá Manchester United í miðvörðinn Leny Yoro.
Fabrizio Romano segir frá þessu en tilboðið hljóðar upp á rúmar 50 milljónir evra.
Fabrizio Romano segir frá þessu en tilboðið hljóðar upp á rúmar 50 milljónir evra.
Lille er að reyna að fá Yoro til að samþykkja það að fara til United þar sem tilboðið frá enska félaginu er það besta sem franska félagið hefur fengið til þessa.
Leikmaðurinn er þó langspenntastur fyrir því að ganga í raðir Real Madrid. Spænska stórveldið hefur líka áhuga á leikmanninum en hefur enn sem komið er ekki lagt fram nægilega gott tilboð.
Yoro er gríðarlega efnilegur franskur miðvörður en hann er aðeins 18 ára gamall.
Athugasemdir
