Jesse Marsch, þjálfari RB Salzburg í Austurríki, viðurkennir að honum hafi fundist frekar óþægilegt að horfa á myndband af hálfleiksræðunni hans gegn Liverpool í Meistaradeild Evrópu.
Marsch var með magnaða ræðu yfir drengjum sínum í hálfleik en hún skilaði góðum árangri.
Liðið jafnaði metin í 3-3 og sýndi mikinn karakter áður en Liverpool skoraði sigurmarkið.
Salzburg var að mynda Marsch í hálfleik og fór hálfleiksræða hans í dreifingu um alla samfélagsmiðla en Marsch leið óþægilega með það.
„Þetta er gert til að fólk sjái hvað er að gerast í augnablikinu og þetta var ekkert sérlega þægilegt fyrir okkur. Þetta var hins vegar raunverulegt," sagði Marsch.
„Þetta er ekki alltaf þægilegt en ég held að fólk muni kunna að meta þetta. Raunverulegar aðstæður í lífinu og fólk er alltaf eitthvað sem er áhugavert," sagði hann í lokin.
Jesse Marsch’s half-time team talk in the #Salzburg dressing room at Anfield is genuinely something to behold pic.twitter.com/KGZ1D3BbeV #LFC #UCL
— Richard Buxton (@RichardBuxton_) October 4, 2019
Athugasemdir