Óskar Hrafn Þorvaldsson.
Eftir erfitt tímabil lengst af, þá hefur gengið vel hjá KR að undanförnu. Óskar Hrafn Þorvaldsson tók við liðinu fyrir nokkrum vikum síðan og undir hans stjórn hefur liðið verið að finna taktinn.
Orri Steinn Óskarsson, sóknarmaður Real Sociedad á Spáni og sonur Óskars, telur að KR muni rísa aftur á ný með föður sinn við stjórnvölinn.
Orri Steinn Óskarsson, sóknarmaður Real Sociedad á Spáni og sonur Óskars, telur að KR muni rísa aftur á ný með föður sinn við stjórnvölinn.
„Þetta er bara geggjað, 11-1 í markatölu í síðustu tveimur leikjum," sagði Orri við Fótbolta.net í gær.
„Það tekur smá tíma að komast inn og fá þá til að kaupa inn í hann. Það tekur alltaf tíma en ég held að allir á Íslandi viti hver Óskar Hrafn er og hvað hann getur. Það er engin spurning hvað hann getur gert með KR þegar hann fær það sem hann þarf. Þá verða KR hættulegir."
Orri kveðst spenntur að fylgjast með KR í framhaldinu.
„Ég get ekki beðið. Ég verð fyrir framan sjónvarpið fyrir hvern einasta leik hjá KR og fylgist spenntur með. Ég vona auðvitað að þeim gangi sem best," sagði sóknarmaðurinn öflugi.
Athugasemdir
