Ísak skoraði þegar slæmt gengi Dusseldorf hélt áfram

Ísak kom heimamönnum í forystu á nítjándu mínútu leiksins og voru heimamenn því yfir þegar flautað var til leikhlés. Gestirnir náðu að jafna metin í þeim síðari með marki frá Þjóðverjanum Joseph Boyamba og þar við sat.

Þetta var fjórði deildarleikurinn í röð sem Dusseldorf nær ekki að vinna en síðasti sigurleikurinn kom gegn Magdeburg þann 16. desember.

Liðið er í sjötta sæti deildarinnar með 32 stig en Ísak spilaði 83. mínútur í dag.