Alisson er aðalmarkvörður Brasilíu og mun standa á milli stanganna í Copa America keppninni sem hefst síðar í þessum mánuði.

Hann er vanalega í treyju númer 1 hjá þjóð sinni en það vakti mikla athygli að hann klæddist treyju númer 110 í leiknum gegn Mexíkó.

Brasilíska fótboltasambandið er að fagna 110 ára afmæli sínu og var því tekið upp á því að láta Alisson spila í því treyjunúmeri, en sambandið fékk sérstakt leyfi fyrir þessum gjörningi.