Gylfi Þór Sigurðsson vonast til að stuðningsmenn Íslands fái að upplifa enn eitt frábæra kvöldið á Laugardalsvelli á morgun þegar Frakkar koma í heimsókn í undankeppni EM.
Laugardalsvöllur hefur verið algjört vígi fyrir íslenska landsliðið undanfarin ár.
Laugardalsvöllur hefur verið algjört vígi fyrir íslenska landsliðið undanfarin ár.
„Síðustu 5-6 árin hefur verið erfitt að vinna okkur heima, sérstaklega í undankeppnum. Við vorum að ræða um þetta um daginn og ég man ekki hvenær við töpuðum síðast í undankeppninni á heimavelli. Vonandi heldur það áfram," sagði Gylfi á fréttamannafundi í dag.
„Andrúmsloftið á vellinum hefur verið frábært og það er oftast uppselt. Það hefur verið jákvæð stemning í kringum liðið, sérstaklega hérna heima."
„Það er mikilvægt að fá stuðning hérna heima og sérstaklega á morgun. Vonandi verður þetta gott kvöld á vellinum."
Athugasemdir