Spánn: Girona á toppinn eftir fjögur mörk á Nývangi

Leikurinn var galopinn og fengu bæði lið mikið af góðum færum til að skora, en nýtingin var betri hjá gestunum úr Girona. Þeim tókst að skora fjögur mörk á Nývangi.

Artem Dovbyk kom Girona yfir snemma leiks en Robert Lewandowski jafnaði og fengu Börsungar dauðafæri til að taka forystuna sem fóru forgörðum. Þess í stað skoraði Miguel Gutierrez glæsilegt mark undir lok fyrri hálfleiks og leiddu gestirnir 1-2.

Börsungar stjórnuðu ferðinni stærsta hluta síðari hálfleiks en þeim tókst ekki að jafna metin. Þeir voru orðnir galopnir á lokakaflanum þegar Girona tvöfaldaði forystuna sína eftir langt útspark frá markverði, en maður-á-mann vörnin hjá Barca klikkaði og gerði Valery Fernandez kleift að skora.

Ilkay Gündogan minnkaði muninn á ný fyrir heimamenn í uppbótartíma, en Cristhian Stuani gekk endanlega frá Börsungum með marki á 95. mínútu eftir stoðsendingu frá Sávio.

Paulo Gazzaniga, markvörður Girona, átti stórleik í kvöld. Girona er með tveggja stiga forystu á toppi deildarinnar, á meðan Barcelona situr í fjórða sæti - sjö stigum á eftir.

Það fór annar leikur fram síðdegis þegar Cadiz og Osasuna gerðu 1-1 jafntefli í neðri hluta deildarinnar.

Barcelona 2 - 4 Girona
0-1 Artem Dovbyk ('12 )
1-1 Robert Lewandowski ('19 )
1-2 Miguel Gutierrez ('40 )
1-3 Valery Fernandez ('80 )
2-3 Ilkay Gundogan ('91 )
2-4 Christian Stuani ('95 )

Cadiz 1 - 1 Osasuna
1-0 Roger Marti ('19 )
1-1 Ante Budimir ('70 , víti)

[Girona FC] Celebrations from Girona players after winning against Barcelona for the first time in the club's history.
byu/Delmer9713 insoccer