Erik Hamren og Freyr Alexandersson völdu 25 manna hóp í þetta verkefni, gegn Albaníu og Tyrklandi. Því þurfa tveir leikmenn að vera utan hóps á leikdegi, 23 leikmenn eru í hópnum á leikdegi.

Birkir Már Sævarsson og Rúrik Gíslason voru utan hóps í 1-0 sigrinum gegn Albaníu og þeir eru aftur utan hóps í kvöld gegn Tyrklandi.

Birkir Már er 34 ára leikmaður Vals. Hann á að baki 90 landsleiki og í þeim hefur hann skorað eitt landsliðsmark.

Rúrik Gíslason er 31 árs kantmaður Sandhausen í Þýskalandi. Hann á að baki 53 landsleiki og í þeim hefur hann skorað þrjú mörk.

Bein textalýsing frá leiknum gegn Tyrklandi.