Mynd: EPA

Talið er að hann sé orðinn launahæsti Ítalinn í deildinni en hann er sagður fá 7 milljónir evra í árslaun.

Þessi 27 ára gamli miðjumaður hefur undanfarin ár verið orðaður við félög á borð við Liverpool, Manchester United og Manchester City en hann segir að það hafi aldrei verið vafi á því að hann myndi skrifa undir samning við Inter.

„Ég trúi á þetta verkefni og það mikilvægasta var að skrifa undir áður en EM byrjar. Ég er svo stoltur að halda áfram að berjast fyrir þetta frábæra félag næstu árin," sagði Barella.

Barella er í landsliðshópi Ítalíu á EM en hann gat ekki tekið þátt í vináttulandsleikjum Ítalíu gegn Bosníu og Tyrklandi í aðrdaganda mótsins vegna meiðsla.