Mynd: Raggi Óla

Mynd: Fótbolti.net - Hafliði Breiðfjörð

Sigurlið kvöldsins eru öll búin að tryggja sig áfram í riðlakeppni, það er bara ekki ljóst hvort sú keppni verði Evrópudeild eða Sambandsdeild. Sigurvegarar úrslitaleikjanna fara í Evrópudeildina á meðan tapliðin fara í Sambandsdeildina.

Malmö er komið í úrslitin eftir 2-2 jafntefli við Dudelange í Lúxemborg en sænska stórveldið vann fyrri leik liðanna 3-0 á heimavelli. Milos Milojevic stýrði Malmö fyrr í sumar en var rekinn eftir tap gegn Zalgiris í forkeppni Meistaradeildarinnar.

Olympiakos er einnig komið í úrslit en Grikkirnir þurftu vítaspyrnur til að slá Slovan Bratislava úr leik. Ögmundur Kristinsson var ekki í leikmannahópi Olympiakos.

Malmö mætir tyrkneska félaginu Sivasspor í úrslitum á meðan Olympiakos spilar við Apollon Limassol frá Kýpur.

Þá er HJK frá Finnlandi einnig komið í úrslit ásamt Fenerbahce, Zurich og Partizan frá Belgrad. Fenerbahce mætir Austria Vienna í stórleik í úrslitunum.

Dudelange 2 - 2 Malmö (2-5 samanlagt)

Slovan Bratislava 2 - 2 Olympiakos (3-3 samanlagt)
3-4 í vítaspyrnukeppni

HJK 1 - 0 Maribor (3-0 samanlagt)

Slovacko 1 - 1 Fenerbahce (1-4 samanlagt)

Zurich 3 - 0 Linfield (5-0 samanlagt)

Partizan Belgrad 2 - 2 AEK Larnaca (3-4 samanlagt)