Segir að Heimir Hallgríms sé í viðræðum erlendis

Heimir hefur verið að aðstoða Hermann Hreiðarsson hjá ÍBV í sumar en hann stýrði liðinu gegn Víkingum í síðustu umferð þar sem Hermann var í banni.

Hann var ekki á skýrslunni í dag þegar ÍBV tók á móti Fram.

Gummi Ben segir frá þessu í Stúkunni í kvöld en hann sé þó ekki með heimildir fyrir því um hvaða félag sé að ræða. Heimir stýrði Al-Arabi frá Katar árin 2018–2021 eftir að hann hafði farið með íslenska landsliðinu á tvö stórmót.

Heimir hafði verið orðaður við Val lengi vel en nú er spurning hvort það sé dottið útaf borðinu.