Hákon Rafn
Elías Rafn
„Vikan er búin að vera góð, við komum saman á mánudag og byrjuðum að æfa á þriðjudaginn. Svo er aðeins búið að minnka hópinn og ég held að allir séu klárir í leikinn á morgun," sagði Hákon Rafn Valdimarsson, markvörður í U21 árs landsliðinu, fyrir æfingu í dag.
Framundan hjá U21 árs landsliðinu er leikur gegn Portúgal í undankeppni fyrir EM. Leikurinn fer fram á morgun, fer fram á Víkingsvelli og heft klukkan 15:00.
Framundan hjá U21 árs landsliðinu er leikur gegn Portúgal í undankeppni fyrir EM. Leikurinn fer fram á morgun, fer fram á Víkingsvelli og heft klukkan 15:00.
Hákon var ekki í U21 landsliðinu í septemper. Varstu svekktur með það?
„Davíð hringdi í mig og við spjölluðum alveg um þetta. Ég skildi alveg valið og þá pælingu. Elli [Elías Rafn Ólafsson] og Jökull [Andrésson] sem voru þá eru báðir frábærir."
„Maður sér Ella spila með landsliðinu í síðasta leik og kannski aftur í dag. Svekktur... ég veit það ekki, en auðvitað pirrandi," sagði Hákon.
Þessi uppgangur Elíasar er hann hvatning fyrir þig að gera vel? „Já, auðvitað. Það sést hvað er stutt á milli í þessu. Hann fær leik með Midtjylland, nokkra leiki og stendur sig mjög vel. Það sýnir sig akkúrat í þessu hvað það er stutt á milli."
„Hann er að setja danskan landsliðsmarkmann á bekkinn. Þá fær hann séns með A-landsliðinu og var flottur í síðasta leik," sagði Hákon.
