Ole Gunnar Solskjær, stjóri Manchester United, hefur hrósað leikmönnum sínum fyrir frammistöðuna að undanförnu en hann segir allt á réttri leið hjá liðinu.

Gengi Manchester United hefur verið misjafnt á tímabilinu en liðið hefur unnið síðustu tvo leiki gegn Tottenham og Manchester City.

„Stöðugleiki er mikilvægur í fótbolta ef þú ætlar að vinna titla og þetta unga lið þarf að læra að skila góðum frammistöðum þegar þeim líður ekki vel," sagði Solskjær.

„Þér líður ekki vel í hvert einasta skipti sem þú labbar inn á fótboltavöll og við höfum lent í leikjum á þessu ári þar sem við höfum ekki staðið okkur eins vel og við vildum."

„Það er lærdómsferli og ég er viss um að þessir ungu strákar muni bæta sig á næstu árum og vonandi það sem eftir lifir tímabils. Við höfum komist í gegnm erfiðan kafla þar sem við lentum í slæmum meiðslum og slæmum úrslitum og við lítum betur út núna."

„Úrslitin eru það sem skiptir máli í lokin en við höfum alltaf haft trú á því sem við erum að gera. Það verða upp og niður kaflar á tímabilinu en við erum á réttri leið."

„Ég sé strákana á æfingu á hverjum degi og hugarfarið hjá þeim og hæfileikarnir eru miklir svo ég hef ekki haft það miklar áhyggjur."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit