Tottenham mætir Wolfsberg í útsláttarkeppni Evrópudeildarinnar og nú er ljóst að fyrri leikur liðanna, sem er heimaleikur Wolfsberg, fer fram í Ungverjalandi.
Leikurinn fer fram næsta fimmtudag og verður á Puskas leikvangnum sem við Íslendingar könnumst vel við.
Leikurinn getur ekki farið fram í Austurríki eins og áætlað var, vegna Covid-19 faraldursins. Manchester City mun einnig spila á þessum velli en liðið mætir Mönchengladbach í 16 liða úrslitum Meistaradeildarinnar þann 24. febrúar.
Liverpool spilar líka þarna en liðið mætir RB Leipzig. Því er ljóst að töluverðar tilfærslur eru á leikjum í Evrópukeppnum sem framundan eru.
Athugasemdir
